SONNTAG 02. August
Bim HB hend d’Pirate eus empfange, unter anderem eusi Captains. Mit ihne hend mir eus in eusne Crews uf de Weg gmacht in Richtig ersti Insle uf de Grand Line i de nöchi vo Biel. Nachemne churze (eigentlich lange aber halt soooo spannende) Städtegame sind mir is Auto gstige und zum alte Schiff gfahre. Es het ultra mega feini Fajitas geh, und gstärkt simmer denne nach em Znacht no go es Spiili spile. Tod müed simmer schliesslich is Bett gheit.

MONTAG 03. August
Mit Pirate-Musig hend si eus uf gweckt am Mäntig. Nachem z’morge hend mir es spannends 3-Phase-Game gmacht gha zum Material für eusi Fahnene z erspile. Im Verlauf vom gestrige Nammitag hend mer für eusi drüü Schiffskapitän e Fahne bastlet. Zerst hemmer aber no müsse imne Spiili eus Stoffstück defür ersammle. Nach enere suuuuuuper Spätzlipfanne hemmer no es Bänkli Game gha – also es Challenge Game in Gruppe. Zur stärchig nach dene viilne lacher het eus d chuchi no es uunglaublichs Tiramisu zauberet – dankeeeeee!
Erschöpft aber glücklich simmer i eusi Kajüte gchroche.

DIENSTAG 04. August
D Chuchi het hüt gar kei lust gha zum Choche. Drumm hemmer eus churzerhand selber müsse helfe. Im ne Spiili hemmer eus d Zuetate ersammlet und mit eusne Leiter über em Füür es Esse zuebereited. D’Leiter chönd aber ned ahsatzwis eso guet choche wie eusi super Chöch!
Nach em Esse isch eusne Captains ufgfalle, dass mir gar kei Säbel hend. Churzerhand sind mir im Wald mit de Theresita ihrere Unterstützig welchi go baue – so cool! Am Abig hets denn aagfange regne und will mer ja eh scho nass gworde sind hemmer au no grad es Wasserspiili gmacht gha.

MITTWUCH 05. August
Mir sind a de Redline, am Landstreife zwüsche de 4 Wältmeer aacho. Die hemmer denn in zwei Gruppe unuffällig müsse z fuess überqueere. Was en krassi Wanderig. Mir hend super Musig plus en meega schöni Uussicht gha. Eifach WOW!